Home

ພະນະທ່ານ ຈູມມາລີ ໄຊຍະສອນ, ບຸນຍັງ ວໍລະຈິດ ແລະ ທອງສິງ ທໍາມະວົງ

ທ່ານ ຈູມມາລີ ໄຊຍະສອນ

ທ່ານ ຈູມມາລີ ໄຊຍະສອນ ເປັນເລຂາທິການໃຫຍ່ຂອງພັກປະຊາຊົນປະຕິວັດລາວ, ເຊິ່ງເປັນພັກການເມືອງພັກດຽວຢູ່ໃນ ສາທາລະນະລັດ ປະຊາທິປະໄຕ ປະຊາຊົນລາວ (ສປປ ລາວ ຫຼືປະເທດລາວ). ປະເທດລາວມີການເລືອກຕັ້ງສະມາຊິກສະພາ, ສະພາແຫ່ງຊາດ. ລັດຖະສະພາຂອງປະເທດລາວເອີ້ນວ່າສະພາແຫ່ງຊາດ ແລະມີສະມາຊິກ 115 ທ່ານ; ມີການເລືອກຕັ້ງສະມາຊິກທຸກໆ 5 ປີ. ສປປ ລາວ ເປັນປະເທດທີ່ມີພັກດຽວກໍ່ຄື ພັກປະຊາຊົນປະຕິວັດລາວ (Phak Paxaxôn Pativat Lao) ທີ່ເປັນພັກກໍາອໍານາດ.

ທ່ານ ຈູມມາລີ ເປັນປະທານປະເທດທີ່ໄດ້ຮັບການເລືອກຕັ້ງເປັນຜູ້ທໍາອິດຂອງ ສປປ ລາວ ໃນປີ 2006 ຢູ່ໃນກອງປະຊຸມສະພາແຫ່ງຊາດສະໄໝຜ່ານມາ, ເຊິ່ງເປັນອົງການລັດຖະສະພາຂອງ ສປປ ລາວ. ທ່ານເກີດເມື່ອວັນທີ 6 ມິນາ 1936 ທີ່ແຂວງອັດຕະປືທີ່ຢູ່ພາກໃຕ້ຂອງ ສປປ ລາວ ເຊິ່ງເປັນແຂວງທີ່ອາໄສທາງດ້ານກະສິກໍາເປັນຕົ້ນຕໍ. ແຂວງອັດຕະປືມີຊາຍແດນຕິດກັບປະເທດກໍາປູເຈຍ.

ທ່ານ ຈູມມາລີ ໄດ້ຮັບການເລືອກຕັ້ງເປັນກໍາມະການສູນກາງພັກ (LPRP) ໃນກອງປະຊຸມສະພາແຫ່ງຊາດຄັ້ງທີສາມໃນປີ 1982, ແລະໄດ້ເປັນກົມການເມືອງສູນກາງພັກ ແລະເປັນເລຂາຂອງເລຂາທິການໃຫຍ່ສູນກາງພັກໃນປີ 1986.

ຈູມມາລີ ໄຊຍະສອນ ໄດ້ຮັບການຄັດເລືອກໃຫ້ເປັນກົມການເມືອງສູນກາງພັກຢູ່ໃນກອງປະຊຸມໃຫຍ່ຄັ້ງທີ 5, 6,  ແລະ 7 ຂອງ ສປປ ລາວ ຢູ່ໃນປີ 1991, 1996 ແລະໃນປີ 2001.

ທ່ານ ຈູມມາລີ ເປັນລັດຖະມົນຕີກະຊວງປ້ອງກັນປະເທດ ສປປ ລາວ ຕັ້ງແຕ່ເດືອນ ສິງຫາ 1991 ເຖິງເດືອນ ມິນາ 1993. ທ່ານ ຈູມມາລີ ຍັງໄດ້ເຮັດໜ້າທີ່ຄວບສອງຕໍາແໜ່ງຄື: ເປັນທັງຮອງນາຍົກລັດຖະມົນຕີ ແລະລັດຖະມົນຕີກະຊວງປ້ອງກັນປະເທດ.

ທ່ານ ຈູມມາລີ ໄຊຍະສອນ ໄດ້ຮັບການຄັດເລືອກເປັນເລຂາທິການໃຫຍ່ພັກປະຊາຊົນປະຕິວັດລາວໃນວັນທີ 21 ມິນາ 2006 ຕໍ່ຈາກທ່ານ ຄໍາໄຕ ສີພັນດອນ.

ພະນະທ່ານ ບຸນຍັງ ວໍລະຈິດ

ທ່ານ ບຸນຍັງ ວໍລະຈິດ ຮອງປະທານປະເທດແຫ່ງ ສປປ ລາວ, ເກີດເມື່ອວັນທີ 15 ສິງຫາ 1937. ທ່ານ ບຸນຍັງ ໄດ້ເປັນຮອງນາຍົກລັດຖະມົນຕີຕັ້ງແຕ່ປີ 1996 ເຖິງ 2001. ທ່ານ ບຸນຍັງ ວໍລະຈິດ ໄດ້ເປັນຮອງປະທານປະເທດໃນວັນທີ 8 ມິຖຸນາ 2006. ທ່ານເປັນເລຂາຂອງເລຂາທິການໃຫຍ່ຜູ້ປະຈໍາການ, ແລະເປັນສະມາຊິກຂອງເລຂາທິການໃຫຍ່. ເລຂາທິການແມ່ນຫ້ອງການ ຫຼືສໍານັກງານປົກຄອງຂອງລັດຖະບານ. ມັນເປັນຫ້ອງການທີ່ຮັບຜິດຊອບວຽກງານພົວພັນວຽກງານເລຂານຸການ ແລະບໍລິຫານງານຂອງລັດຖະບານ.

ພະນະທ່ານ ທອງສິງ ທໍາມະວົງ

ທ່ານ ທອງສິງ ທໍາມະວົງ ເປັນນາຍົກລັດຖະມົນຕີແຫ່ງສາທາລະນະລັດ ປະຊາທິປະໄຕ ປະຊາຊົນລາວ (ສປປ ລາວ). ທ່ານ ທອງສິງ ທໍາມະວົງ ໄດ້ຮັບຕໍາແໜ່ງເປັນນາຍົກລັດຖະມົນຕີໃນວັນທີ 24 ທັນວາ 2010. ທ່ານຢູ່ທີ່ບ້ານສີສັງວອນ, ນະຄອນຫຼວງວຽງຈັນ ແລະໄດ້ເປັນສະມາຊິກພັກປະຊາຊົນປະຕິວັດລາວມາຕັ້ງແຕ່ປີ 1967. ທ່ານ ທອງສິງ ທໍາມະວົງ ຈົບການສຶກສາດ້ານການເມືອງ ແລະການປົກຄອງກ່ອນທີ່ຈະເຂົ້າເປັນສະມາຊິກພັກສໍາຮອງ ແລະເປັນປະທານຄະນະກໍາມາທິການໜັງສືພິມ ແລະວິທະຍຸ ແລະເປັນຮອງຄະນະໂຄສະນາອົບຮົມ. ທ່ານ ທອງສິງ ທໍາມະວົງ ໄດ້ຮັບເລືອກເປັນສະມາຊິກກົມການເມືອງສູນກາງພັກໃນປີ 1991 ແລະເປັນຫົວໜ້າຄະນະຈັດຕັ້ງສູນກາງພັກ. ໃນປີ 2002 ທ່ານ ທອງສິງ ທໍາມະວົງ ໄດ້ຮັບເລືອກຕັ້ງເປັນເຈົ້າຄອງນະຄອນຫຼວງວຽງຈັນ, ນະຄອນຫຼວງຂອງ ສປປ ລາວ.

ບັນດາການນໍາອື່ນໆຢູ່ໃນນະຄອນຫຼວງວຽງຈັນປະກອບໄປດ້ວຍ ທ່ານ ອາຊາງ ລາວລີ, ທ່ານພົນໂທ ດວງໃຈ ພິຈິດ, ທ່ານ ສົມສະຫວາດ ເລັງສະຫວັດ ແລະທ່ານ ທອງລຸນ ສີສຸລິດ. ນາງ ການິກາ ພົມມະຈັນ ເປັນຜູ້ຕາງໜ້າຂອງ ສປປ ລາວ ປະຈໍາອົງການສະຫະປະຊາຊາດ.

♥ 78541

About these ads

One thought on “ພະນະທ່ານ ຈູມມາລີ ໄຊຍະສອນ, ບຸນຍັງ ວໍລະຈິດ ແລະ ທອງສິງ ທໍາມະວົງ

  1. ພູມໃຈທີ່ຂ້າພະເຈົ້າໄດ້ເປັນຄົນລາວ, ມີພັກທີ່ສະຫລາດນຳພາ, ຂໍອວຍພອນໃຫ້ບັນດາທ່ານຜູ້ນຳລາວ ຈົ່ງມີສຸຂະພາບທີ່ເຂັ້ມແຂງ ສຳເລັດໃນທຸກຫນ້າທີ່ການງານດ້ວຍເທີ່ນ

ปิดการแสดงความเห็น